Garrı Potter týraly fılmderdiń jalǵasy túsiriledi

ASTANA. QazAqparat – Warner Brothers Studios «Garrı Potter men qarǵys atqan bala» jańa franshızasyn jasaýǵa kiristi, dep habarlaıdy QazAqparat The Sun basylymyna silteme jasap.

«Warner Bros stýdııasy «Garrı Potter men qarǵys atqan bala» kartınasyn úlken ekranǵa shyǵarý joldaryn izdep jatyr», - dedi The Sun tilshisi derekkózge silteme jasap.

Mundaı sheshim Vest-End teatryndaǵy (West End theatre) pesanyń tanymaldyǵyna baılanysty qabyldanǵan.

«Garrı Potter men qarǵys atqan bala» fılmin túsirý jospary bastapqy kezeńde ekeni naqtylandy.

Rejısserler Denıel Redklıffti óz róline oralýǵa shaqyrýdy josparlap otyr.

«Fılmmen jumys istep jatqan árbir jan Denıel Redklıffti basty róldi kórgisi kelip jatyr. Alaıda aldymen onyń bólimderin belgilep, stsenarııin jazý kerek jáne bıýdjet naqtylaý qajet», - dep jazdy The Sun.

Fılm úlken ekranǵa eki bólimde shyǵady.

Basylymnyń atap ótýinshe, Denıelmen birge Garrı Potter fılmderine túsken Germıona Greındjerdiń rólin somdaǵan Emma Ýotson akterlik mansabyn jalǵastyrsa, Ron rólimen tanymal Rýpert Grınt jyljymaıtyn múlik salasynda bızneske ketken.

Garrı Potter tanymal franshızasy álemdik prokatta 6,4 mlrd fýnt sterlıngten astam qarajat jınaǵan edi.

Foto: thesun.co.uk