Garrı Keın «Tottenhem» tarıhynda eń mergen oıynshy atandy
Aǵylshyn premer-lıgasynyń 22-týrynda «Tottenhem» «Manchester Sıtı» komandasyn qabyldap, 1:0 esebimen jeńiske jetti.
Jeńis golyn 15-mınýtta G.Keın soqty. Bul onyń londondyq klýb úshin barlyq týrnırde soqqan 267-inshi goly edi. Bul kórsetkish jóninen ol burynǵy rekordshy Djımmı Grıvzdi basyp ozdy.
Osy maýsymda Keın «Tottenhem» sapyndaǵy 29 oıynda 19 goldyń avtory atandy.
Ótken jyly Qatarda ótken álem chempıonatynda Anglııa sapynda Keın eki gol soǵyp, 3 nátıjeli pas bergen edi.
G.Keın sonymen qatar aǵylshyn premer-lıgasynda 200 gol soqqan úshinshi oıynshy atandy. Odan tek Alan Shırer (260) men Ýeın Rýnı (208) ǵana alda tur.
Týrnır kestesinde «Tottenhem» 39 upaımen besinshi orynda keledi. Ol úzdik tórttegi «Nıýkasldan» bir ǵana upaı artta. Bul týrda kósh basyndaǵy taǵy bir londondyq «Arsenal» (50 upaı) syrt alańda «Evertonnan» jeńilis tapty. Ekinshi oryndaǵy «Manchester Sıtı» (45) bul olqylyqty paıdalana almady. Úzdik úshtikti «Manchester ıÝnaıted» (42) túıindep tur.
Eske sala keteıik, budan buryn Krıshtıaný Ronaldýdyń «Al-Nasr» quramynda alǵashqy golyn soqqanyn jazǵan bolatynbyz.
Foto – S hampionat.com