Ǵarıfolla Esim men Meńdibaı Alın memlekettik rámizder jónindegi komıssııa quramynan shyǵady

ASTANA. QazAqparat – Memlekettik rámizder máselesimen aınalysatyn respýblıkalyq komıssııanyń quramy ózgerýi múmkin, dep habarlaıdy QazAqparat tilshisi.

Ashyq NQA portalynda jarııalanǵan Úkimet qaýlysynda jazylǵandaı, Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń quramyna myna laýazymdaǵy tulǵalar qosylady:

- «Qazaq gazetteri» JShS dırektory (kelisim boıynsha);

- «Jastar» ǵylymı-zertteý ortalyǵy JShS dırektory (kelisim boıynsha);

- Mádenıet jáne sport mınıstrligi muraǵat, qujattama jáne kitap isi komıtetiniń «Geraldıkalyq zertteýler ortalyǵy» respýblıkalyq memlekettik mekemesiniń dırektory (kelisim boıynsha);

- «Jas sarbaz» balalar-jasóspirimder áskerı-patrıottyq qozǵalysy respýblıkalyq qoǵamdyq birlestiginiń tóraǵasy (kelisim boıynsha);

- Sarym Aıdos Ámirollauly – QR Parlamenti Májilisiniń depýtaty (kelisim boıynsha);

- Beısenbaev Elnur Sabyrjanuly – QR Parlamenti Májilisiniń depýtaty (kelisim boıynsha);

- Sydyqnazarov Muhıt-Ardager Qarjaýbaıuly - L.N.Gýmılev atyndaǵy Eýrazııa ulttyq ýnıversıtetiniń janyndaǵy Zamanaýı zertteýler ınstıtýtynyń dırektory (kelisim boıynsha);

- Raýan Kenjehanuly – «Qazaq tili» qoǵamdyq birlestiginiń prezıdenti (kelisim boıynsha).

Al sýretshi Meńdibaı Alın men fılosof Ǵarıfolla Esim komıssııa quramynan shyǵarylady.

Tıisti jarlyq jobasy 11 qyrkúıekke deıin kópshilik talqylaýda bolady. Keıin Memleket basshysynyń qaraýyna engiziledi.