Ǵanı Beısembaev oqýshylardyń smartfon ustaýyna qatysty pikir bildirdi

<p>Oqý-aǵartý mınıstri Ǵanı Beısembaev mektepte oqýshylardyń sabaq ústinde uıaly telefon ustaýyna qatysty túsinikteme berdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Mektep sanaly tárbıe men sapaly bilim berý kerek. Sabaqta muǵalim bergen materıaldy tolyq meńgerip, bilimin shyńdaýy kerek. Sabaq kezinde smartfonǵa tyıym salý - ata-analar men pedagogtardan kelip túsken ótinishter men shaǵymdardyń nátıjesinde qabyldanǵan sheshim. Bul sabaqta muǵalimderdiń ruqsatynsyz oqýshylardyń smartfondy paıdalanbaýyna qatysty norma», - dedi Ǵanı Beısembaev Úkimet úıinde ótken baspasóz máslıhatynda.

Mınıstrdiń aıtýynsha, oqýshylar sabaqtan keıin uıaly telefondy paıdalana alady. ıAǵnı ata-anasyna habarlasý múmkindigine shekteý joq.

«Atalǵan máselege qatysty zańdy Májilis birinshi oqylymda maquldady. Zań tolyq qabyldanǵansha uıymdastyrý máselesi qolǵa alynady. Eń bastysy sabaqtyń ústinde oqýshynyń negizsiz alańdaýyna jol bermes úshin osyndaı sheshim qabyldanyp otyr», - deıdi vedomstvo basshysy.