Ǵanı Beısembaev: Bizdiń ustanymymyz – shekara mańyndaǵy aýyl mektepterin jappaý

<p>&nbsp;ASTANA. KAZINFORM &ndash; Elimizdiń shekara mańyndaǵy aýyl mektepteri jabylmaıdy. Bul Úkimet otyrysynan keıingi brıfıngte Oqý-aǵartý mınıstri Ǵanı Beısembaev aıtty.</p>

- Aýyl mektepteriniń sany 5 myńnan asady. Shaǵyn jınaqty mektepter sany - 2700. Onyń ishinde kiriktirilgen synyptarmen, ıaǵnı, 10-20-30 bala oqıtyn mektepterdiń sany myńǵa jýyqtaıdy. Shaǵyn jınaqty mektepterdiń kópshiligi shalǵaı aýyldarda ornalasqan. Shekara mańyndaǵy mektepterdiń de esebin júrgizip otyrmyz. Bizdiń ustanymyz - shekara mańynda ornalasqan mektepterdi qandaı jaǵdaıda da saqtap qalý. ıAǵnı, olardy jappaý turǵysynda ákimdikterge óz ustanymyzdy aıtyp otyrmyz, - dedi mınıstr BAQ ókilderiniń saýalyna oraı.

Sonymen qatar ol buǵan deıin aýyl turǵyndarynyń kóship ketýine baılanysty mektepte oqıtyn bala bolmaǵandyqtan olardyń jabylý derekteri bolǵanyn aıtty. Biraq, naqty sanyn ataı almady.

- Qazir mundaı derekter qolymda joq. Jalpy, jyl saıyn esep júrgizilip otyrady, - dedi Ǵanı Beısembaev.

Buǵan deıin mınıstr aýyl men qala mektepteri arasyndaǵy bilim alshaqtyǵy azaıyp kele jatqanyn aıtty.