Ǵanı Beısembaev bilim berý uıymdary basshylarynyń jaýapkershiligin kúsheıtýdi usyndy

ASTANA. QazAqparat – Bilim berý nysandaryna kirýge ruqsat berýdiń jańa tártibi engiziledi. Bul týraly Úkimet otyrysynda Oqý-aǵartý mınıstri Ǵanı Beısembaev aıtty, dep habarlaıdy QazAqparat tilshisi.

«Oqý-aǵartý mınıstrligi bilim mekemelerindegi balalar qaýipsizdigin qamtamsyz etýdi odan ári jetildirý maqsatynda: bilim berý uıymdarynyń birinshi basshylarynyń jaýapkershiligin kúsheıtýdi; qaýipsizdik júıelerine monıtorıngti turaqty túrde júrgizip otyrýdy; bilim berý nysandaryna kirýge ruqsat berýdiń jańa tártibin ázirlep, engizýdi; balalar qaýipsizdigin qamtamasyz etý turǵysynan tárbıe jumysyn jańǵyrtýdy; pedagogterdi qaıta daıarlaý baǵdarlamalaryna balalar qaýipsizdigine qatysty jańa kýrs modýlin engizýdi iske asyramyz», - dedi Ǵanı Beısembaev.