Gandboldan Jazǵy Olımpıadaǵa irikteý: Qazaqstan quramasy Qytaıdan jeńilip qaldy

ASTANA. QazAqparat – Japonııanyń Hırosıma qalasynda ótip jatqan gandboldan 2024 jylǵy Parıj Olımpıadasyna irikteý týrnıriniń alǵashqy oıynynda Qazaqstan áıelder quramasy Qytaıdan jeńilip qaldy, dep habarlaıdy QazAqparat tilshisi.

Bul básekege Azııa qurlyǵynan alty qurama qatysýy josparlanǵan edi. Jerebe tartýdan keıin Ózbekstan belgisiz sebepterge baılanysty jarystan bas tartty.

Alǵashqy týrda qazaqstandyq gandbolshylar Qytaıǵa 26:33 esebimen jol berdi. El quramasynyń áli de joldamaǵa qol jetkizýge múmkindigi bar.

Endi qazaqstandyq gandbolshylar Japonııa (20 tamyz), Ońtústik Koreıa (21 tamyz), Úndistan (23 tamyz) quramalarymen sheberlik baıqasady.

Qazir alǵashqy eki týrda upaı joǵaltpaǵan Ońtústik Koreıa quramasy keledi. Odan keıingi oryndarda Japonııa, Qytaı, Qazaqstan jáne Úndistan tur.

Bul topta birinshi oryn alǵan qurama olımpııa oıyndaryna tikeleı joldama alady.

Al fınalda jeńilgen sportshylar 2024 jylǵy 11-14 sáýir aralyǵyndaǵy kezekti lıtsenzııalyq týrnırde baq synaıdy. Ol kezde ár qurlyqtaǵy saıystyń ókilderi bolady.

Qazaqstan áıelder quramasy buǵan deıin 2008 jyly Jazǵy olımpıadada baq synap, jalpy esepte onynshy oryndy mise tutty.

Eske salsaq, budan buryn Parıjde Olımpıada qarsańynda trıatlonnan jarys ótti.