Gandboldan Qazaqstan qyzdar quramasy Azıa oıyndaryn jeńispen bastady
14:14, 14 Tamyz 2018
ASTANA. QazAqparat - Gandboldan Qazaqstan qyzdar quramasy 2018 jylǵy Azıa oıyndaryn jeńispen bastady, dep habarlaıdy QazAqparat tilshisi.
QR UOK-niń baspasóz qyzmeti málim etkendeı, Azıa oıyndarynda komandalyq sport túrlerinen irikteý aınalymdary búgin bastalyp ketken. Alǵashqy irikteý synynda gandboldan Qazaqstan qyzdar quramasy Úndistan quramasymen kezdesip, qarsylastarynan 36:19 esebimen basym tústi.
Qazaqstandyq komanda sapynan Dana Ábilda eń kóp upaı jınady, ol qarsylas qaqpasyna 8 dop soqqan. Sondaı-aq, Olga Tankına men Valerıa Karavaeva tıisinshe 6 jáne 5 doptan soqty.
Azıa oıyndarynda Qazaqstan quramasy Ońtústik jáne Soltústik Koreıa, Qytaı, Úndistanmen bir topqa tústi.
Komandanyń kelesi kezdesýi 16 tamyz kúni Qytaıǵa qarsy ótedi.