Gandboldan Frantsııa áıelder quramasy álem chempıony atandy

<p>Búgin gandboldan áıelder arasyndaǵy álem chempıony anyqtaldy. Mundaı ataqqa Frantsııa quramasy ıe boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Fınalda Frantsııa men Norvegııa quramalary kezdesti.

Oıyn barysynda qos qurama bir-birine laıyqty qarsylyq kórsete bildi.

Birinshi kezeńde frantsýz gandbolshylary 21:18 esebimen basym tústi.

Ekinshi kezeńde de olar sol qarqynnan taıǵan joq.

Nátıjesinde Frantsııa quramasy qarsylasynan 31:28 esebimen súrindirip, álem chempıony ataǵyn jeńip aldy.

Atalǵan qurama budan buryn mundaı ataqqa 2003 jáne 2017 jyldarda qol jetkizgen edi.

Al 3-oryn úshin saıysta Danııa quramasy Shvetsııadan 28:27 esebimen basym túsip, qola júldeger atandy.

Bıyl álem chempıonatyna qazaqstandyq gandbolshylar qatysyp, jalpy komandalyq esepte 30-orynǵa turaqtaǵan edi.

Qazaqstandyq gandbolshy qyzdar jarystyń alǵashqy satysynda G tobynda synǵa túsip, Ispanııadan 17:34, Brazılııadan 16:46, Ýkraınadan 24:37 esebimen jeńilip qaldy.

Odan keıin árbir topta tórtinshi oryndy mise tutqan quramalar Prezıdent kýbogynda eki topqa bólindi.

Ekinshi topta baq synaǵan qazaqstandyq gandbolshylar alǵashqy eki oıynda Kongo Respýblıkasyna 36:37, Chılıge 23:27 esebimen ese jiberse, Irandy 33:29 esebimen súrindirdi.

Nátıjesinde qazaqstandyq gandbolshylar 29-oryn úshin saıysta Paragvaıǵa 30:36 esebimen jeńilip qaldy.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi — 2007 jylǵy 18-oryn.