Gandboldan áıelder arasyndaǵy ÁCh: Qazaqstan komandasy Irandy jeńdi

<p>Búgin gandboldan áıelder arasyndaǵy álem chempıonatynda Qazaqstan quramasy Irannan basym tústi, dep habarlaıdy Kazınform.&nbsp;</p>

Qazaqstandyq gandbolshy qyzdar jarystyń alǵashqy satysynda G tobynda synǵa túsip, Ispanııadan 17:34, Brazılııadan 16:46, Ýkraınadan 24:37 esebimen jeńilip qaldy.

Álem chempıonatynyń alǵashqy satysynda árbir topta tórtinshi oryndy mise tutqan quramalar Prezıdent kýbogynda eki topqa bólindi.

Ekinshi topta baq synaǵan qazaqstandyq gandbolshylar alǵashqy eki oıynda Kongo Respýblıkasyna 36:37, esebimen ese jiberdi.

Odan keıin Jarystyń atalǵan satysynda ekinshi toptaǵy alǵashqy oıynda qazaqstandyq gandbolshylar Kongo Respýblıkasyna 36:37, Chılıge 23:27 esebimen ese jiberdi.

Búgin el quramasy Iran quramasyn 33:29 esebimen súrindirdi.

Endi qazaqstandyq gandbolshylar 13 jeltoqsanda birinshi topta úshinshi oryn alǵan quramamen 29-oryn úshin synǵa túsedi.

Álem chempıonaty 17 jeltoqsanda máresine jetedi.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18-oryn.