Gandbol: Qazaqstan qyzdar quramasy Vengrııada Olımpıadaǵa irikteý týrnırinde baq synaıdy

NUR-SULTAN. QazAqparat – Gandboldan Qazaqstan áıelder quramasy Vengrııada Olımpıadaǵa irikteý týrnırinde baq synaıdy, dep habarlaıdy QazAqparat tilshisi.

Ulttyq olımpıada komıteti málim etkendeı, atalmysh jarystar 20-22 naýryzda Chernogorııa, Ispanııa jáne Vengrııada ótedi.

Qazaqstan quramasy Podgorıtsedegi úshinshi topta Norvegııa, Chernogorııa jáne Rýmynııamen kúsh synasýy tıis bolatyn. Alaıda Qytaı gandbol federatsııasy koronavırýstyń órshýine baılanysty týrnırge qatysýdan bas tartty.

Osylaısha Halyqaralyq gandbol federatsııasynyń reglamentine sáıkes Qazaqstan quramasy Azııa boıynsha reıtıngte eń joǵary orynda turǵandyqtan, Vengrııanyń Der qalasynda 20-22 naýryzda ótetin irikteý saıysynda qytaılyq komandanyń ornyna synǵa túsedi.

Aıta keteıik, úsh toptan úzdik eki komanda Tokıo Olımpıadasyna joldama alady.