Gambýrgte órtke baılanysty tótenshe jaǵdaı jarııalandy

BERLIN. QazAqparat - Gambýrgtiń Rotenbýrgsort aýdanyndaǵy eki qoımadan órt shyqty. Jeksenbi, 9 sáýirde órt sóndirý qyzmeti aýaǵa tútin men hımııalyq quramdas bólikterdiń taralý qaýpi týraly eskertti, dep habarlaıdy QazAqparat DW-ge silteme jasap.

Ýly zattar soltústik-shyǵystan soqqan jelmen qala ortalyǵyna deıin jetedi, dep jazdy DPA agenttigi.

Resmı eskertýde órt pen tútin «óte qaýipti» sanatqa jatqyzylǵan. Gambýrgtiń soltústik-shyǵysyndaǵy turǵyndardy terezeler men esikterdi jabyq ustaýǵa jáne tútinnen qorǵanýǵa shaqyrdy.

Deutsche Bahn tótenshe jaǵdaıǵa baılanysty Gambýrg pen Bıýhen arasyndaǵy temirjol jelilerinde qozǵalys toqtatylǵanyn habarlady. Órt sóndirý jumystaryna baılanysty jergilikti kóliktiń jumysy da shektelgen.

Órttiń shyǵý sebebi men kináliler anyqtalýda.

2022 jyldyń tamyzynda Berlınniń batysyndaǵy Grýnevald aýdanynda oq-dáriler men pırotehnıkalyq zattar qoımasynda iri órt boldy. Onyń jalpy aýmaǵy shamamen 42 gektardy qurady. Órt ornyna Germanııanyń túkpir-túkpirinen qural-jabdyqtar ákelinip, ony sóndirýge 150-ge jýyq órt sóndirýshi qatysty.