Gambýrgte komendanttyq saǵat jarııalandy

GAMBÝRG. QazAqparat - Gambýrg bıligi koronavırýstyń órshýine baılanysty komendattyq saǵat engizý jóninde sheshim qabyldady, dep habarlaıdy QazAqparat NDR teleradıokompanııasyna silteme jasap.

Komendanttyq saǵat – saǵat 21:00-den 5:00 aralyǵynda. Osy ýaqyt kezinde qala turǵyndaryna oryndy sebepsiz páterden shyǵýlaryna bolmaıdy. Dúkender men sýpermarketter 21.00-de jabylýy tıis.

Sondaı-aq mektepterde oqýshylar men muǵalimder kolonavırýsqa mindetti túrde ekspress-test tapsyrýy qajet. Al balabaqshalar aıryqsha rejımge kóshedi.

Qaýly 18 sáýirge deıin kúshinde bolady.

Jergilikti bıliktiń málimetinshe, táýlik ishinde koronavırýs juqtyrǵandar sany 590-ǵa jetken. Bul 5 qańtardan bergi táýlik ishindegi eń joǵary kórsetkish bolyp otyr.