Gambýrg áýejaıy qarýly adam kirip ketken soń, ýaqytsha jabyldy

<p>Áýe aılaǵy perronyna qaqpa arqyly qarýlanǵan adam kirip ketýine baılanysty Gambýrg áýejaıynan ushaqtardyń ushýy jáne qonýy ýaqytsha toqtatyldy. Áýejaıǵa polıtseıler jınaldy. <a href="Kazinform" target="_blank" rel="noopener">Kazinform </a>bul týraly <a href="https://www.dw.com/ru/aeroport-gamburga-zakryt-izza-proniknovenia-vooruzennogo-celoveka/a-67306308" target="_blank" rel="noopener">DW </a>basylymyna silteme jasap habarlaıdy.</p>

"Keshe, ıaǵnı 4 qarashada keshke «polıtsııa is-sharalaryna baılanysty» áýe tasymaly tolyǵymen toqtatyldy", - dep habarlady áýe aılaǵynyń resmı arnasy H áleýmettik jelisinde.

Basylymǵa federaldyq polıtsııa baspasóz hatshysy Tomas Gerberttiń habarlaýynsha, jeke avtokóligine mingen júrgizýshi qaqpadan kirip ketip, áýejaıdyń perronyna shyqqan. Ol qarýymen eki ret áýege oq atyp úlgerdi. Baspasóz hatshysy er adamnyń áıeli buǵan deıin óńir polıtsııasyna júginip, balalardy urlap ketýi múmkin dep aryzdanǵanyn aıtty.

Oqıǵa ornyna Gambýrg polıtsııa kúshteri jiberildi. Olar tártip buzýshynyń avtokóligine jaqyn mańda tur. Júrgizýshimen baılanys ornatyldy.

"Qazirgi ýaqytta quqyq qorǵaýshylar «tutqyndar bolýy múmkin» dep boljap otyr", - delingen Gambýrg polıtsııasynyń H áleýmettik jelisindegi habarlamasynda.

Naqtylanǵan derekter boıynsha, kólik salonynda júrgizýshiden bólek keminde bir bala bar. Quqyq qorǵaýshylar, er adamnyń mundaı áreketine balalardy qamqorlyqqa alý daýy sebep bolýy múmkin deıdi.