Ǵalymjan Pirmatov bazalyq stavkany saqtap qalý sebebin túsindirdi

ASTANA. QazAqparat – QR Ulttyq banktiń Aqsha-kredıt saıasaty komıteti 2023 jylǵy 16 qańtardan bastap bazalyq mólsherlemeni 16,75 paıyz deńgeıinde saqtaý týraly sheshim qabyldady. Bul týraly QR UB tóraǵasy Ǵalymjan Pirmatov málim etti, dep habarlaıdy QazAqparat tilshisi.

«Aldyńǵy sheshimde biz bazalyq mólsherlemeni kóterý tsıklin aıaqtaýǵa jaqyndap, jańa proınflıatsııalyq shoktar bolmasa, aqsha-kredıt saıasatyn kúsheıtý yqtımaldyǵyn tómen dep baǵalaǵanymyzdy bilesizder. Jyldyq jáne aılyq ınflıatsııa da, ekonomıkalyq ósý dınamıkasy da bazalyq boljam traektorııasy sheginde qalyptasyp otyr. 2022 jyldyń jeltoqsan aıyndaǵy jyldyq ınflıatsııanyń artýy aldyńǵy sheshimde eskerilgen bolatyn. Osyǵan baılanysty Aqsha-kredıt saıasaty komıtetiniń sońǵy otyrysynda bazalyq mólsherlemeni qaıta qaraý qajettiligi bolǵan joq»,- dedi UB tóraǵasy BAQ ókilderine arnalǵan brıfıngte.

Alaıda, onyń atap ótýinshe, táýekelder balansy áli de joǵary ınflıatsııa jaǵyna yǵysqan.

Inflıatsııanyń ornyqty bóligi men tarıhı maksımýmdy jańartqan ınflıatsııalyq kútýler burynǵydaı alańdaýshylyq týǵyzyp otyr.

Logıstıkalyq jetkizý joldarynyń qurylymdyq ózgerýi de ekonomıkaǵa keri áser etýde.

«Inflıatsııa traektorııasyn tómendetý jáne ony sol kúıinde ustap turý – bizdiń negizgi mindetimiz. Inflıatsııanyń joǵarylaýyna sebep bolatyn negizgi táýekelder men faktorlar bazalyq mólsherlemeni uzaq ýaqyt ishinde aǵymdaǵy deńgeılerde ustap turýdy talap etedi», - dedi Ǵalymjan Pirmatov.