Ǵalymjan Pirmatov 2023 jylǵy ınflıatsııa qarqynyna túsinik berdi

NUR-SULTAN. QazAqparat – 2023 jyly ınflıatsııa birtindep baıaýlaıdy. Bul týraly elordadaǵy baspasóz máslıhatynda QR Ulttyq bankiniń tóraǵasy Ǵalymjan Pirmatov málim etti, dep habarlaıdy QazAqparat tilshisi.

«2023 jyly ınflıatsııa birtindep 7,5-9,5 paıyzǵa deıin baıaýlaıdy. Bul rette 2022 jylǵy joǵary baza esebinen shyǵý turǵysynda, ekinshi jaǵynan bazalyq mólsherleme boıynsha qabyldanǵan sheshim men syrtqy ınflıatsııalyq qysymnyń birtindep tómendeýi jáne iske asyrylýy josparlanyp otyrǵan kontrtsıkldik bıýdjettik qaǵıda aıasynda múmkin bolady», - dedi Ǵ. Pirmatov.

Onyń aıtýynsha, 2024 jyly syrtqy, sol sııaqty ishki jańa ózgerister bolmaǵan jaǵdaıda, ınflıatsııa targetteletin dálizden áli de tys bolady. Bul rette onyń joǵarǵy shegine qaraı baıaýlaıtyny boljanyp otyr.

Budan buryn habarlanǵandaı, Ulttyq bank tóraǵasy bazalyq mólsherlemeni 14 paıyz deńgeıinde saqtaýǵa qatysty pikir bildirdi.

Jyldyq mánde ınflıatsııa mamyrda 14 paıyzǵa jetti.

Sonymen qatar Ǵ. Pirmatov osy jyldyń qorytyndysy boıynsha ınflıatsııany 13-15 paıyz deńgeıinde bolýy múmkin ekenin aıtty.