Ǵalymjan Pirmatov 2022 jyly altyn-valıýta esebinen júrgizilgen ınterventsııa kólemin atady

ASTANA. QazAqparat – QR Ulttyq bank tóraǵasy Ǵalymjan Pirmatov 2022 jyly altyn-valıýta esebinen júrgizilgen ınterventsııa kólemin atady, dep habarlaıdy QazAqparat tilshisi.

«Esterińizde bolsa, ótken jyldyń birinshi toqsanynda, aqpan aıynyń sońy men naýryzdyń ortasyna deıin valıýta naryǵynda eń úlken qubylmalylyq boldy. Ótken jyly Ulttyq banktiń altyn-valıýta esebinen júrgizgen ıterventsııasynyń kólemi – 1,4 mlrd dollar. Naýryz aıynyń sońynan bastap valıýta naryǵynda ınterventsııa jasaǵan joqpyz. Valıýta naryǵy naryq qatysýshylarynyń suranysy men usynysy negizinde teńgerimdi boldy. Eger qajet bolsa, Ulttyq bankte ınterventsııa júrgizý, valıýta naryǵyndaǵy qysqa merzimdi qubylmalylyqty baqylaý úshin jetkilikti qor bar», - dedi Ǵalymjan Pirmatov BAQ ókilderine arnalǵan brıfıngide tilshilerdiń saýalyna oraı.

Ashyq kózderden alynǵan foto