Ǵalymdarǵa arnalǵan áleýmettik jeńildikter paketi ázirlenip jatyr – mınıstrlik
13:04, 06 Qyrkúıek 2023
ASTANA. QazAqparat – Redaktsııamyzdyń resmı saýalyna jaýap bergen Ǵylym jáne joǵary bilim mınıstrligi otandyq ǵalymdarǵa arnalǵan áleýmettik jeńildikter paketi pysyqtalyp jatqanyn málim etti.
«Qazaqstan Respýblıkasynda joǵary bilimdi jáne ǵylymdy damytýdyń 2023-2029 jyldarǵa arnalǵan tujyrymdamasy aıasynda jergilikti atqarýshy organdarmen jetekshi ǵalymdarǵa arnalǵan áleýmettik jeńildikter paketin pysyqtaý kózdelgen. Osyǵan baılanysty «Ǵylym jáne tehnologııalyq saıasat týraly» Qazaqstan Respýblıkasynyń Zańy aıasynda ǵalymdarǵa arnalǵan áleýmettik jeńildikter paketi pysyqtalýda», – delingen mınıstrliktiń jaýabynda.
Sonymen qatar vedomstvodan málimdengendeı, qazir ǵylymı dárejesi men ataǵy bar pedagogter jáne ǵylymı qyzmetkerlerge memlekettik bıýdjetten esebinen tólenetin qosymsha aqy somasyn ulǵaıtý boıynsha jumys júrip jatyr.