Ǵalymdardy materıaldyq, áleýmettik jaǵynan yntalandyrmaı ǵylymdy damytý múmkin emes - Dınar Nóketaeva
dep habarlaıdy QazAqparat.
Depýtattyń pikirine súıensek, ǵalymdardyń, ǵylymı qyzmetkerlerdiń eńbekaqylarynyń óte tómengi deńgeıde (elimizdegi ortasha eńbekaqy mólsherinen eki ese kem) bolýy, olardyń osy saladan jappaı basqa salaǵa, shet elderge ketýine sebep boldy. Osy salada tek óz isine shyn berilgen, ómirin ǵylymmen tyǵyz ushtastyrǵan naǵyz ǵalymdar, jasy kelgenderi ǵana qaldy. Ǵylym salasyndaǵylardyń basym bóliginiń jas shamalary 50-60-tan asyp ketken. Talantty jastardyń ǵylymǵa barýǵa qulqy joq. Munyń ózi saladaǵy kadr máselesiniń úlken problemasyn týyndatyp otyr.
«HHІ ǵasyr adamzat tarıhynda buryn-sońdy bolmaǵan, adamnyń túsine de enbegen orasan zor ǵylymı jáne tehnologııalyq jetistikterimen enip otyr. Іrgeli jáne qoldanbaly ǵylym jetistikterin ómirde qoldanylýy - burynnan qalyptasqan adamnyń ómir súrý jaǵdaıyn tanymastaı ózgeristerge alyp kelýde. Ǵylym damýy - qandaı da memleket bolmasyn onyń ekonomıkalyq damýynyń, qaýipsizdiginiń, halyqynyń áleýmettik - ekonomıkalyq jaǵdaıynyń, rýhanı ósýiniń negizi, ózegi bolatyny belgili.. Al ekonomıkasy myqty damyǵan eldiń árqashanda halyqaralyq arenadaǵy bedeli de joǵary bolatyny túsinikti. Otandyq ǵylymnyń damýy - elimizde úlken ekonomıkalyq serpiliske, jedeldetilgen ındýstrııaldy-ınnovatsııalyq baǵdarlamanyń tabysty iske asyrylýyna, táýelsizdigimizdiń baıandy bolýyna, kúsh-qýatymyzdyń eseleı artýyna alyp keletinin Elbasymyz Parlament sessııalarynyń ashylýynda, jyl saıynǵy halyqqa Joldaýlarynda, túrli kezdesýlerde birneshe ret shegeleı aıtqan bolatyn. Sondyqtan otandyq ǵylymdy damytý - elimizdiń strategııalyq damýynyń eń bir basym baǵyttarynyń biri desek artyq bolmas dep oılaımyn. Sonymen qatar ǵylym damýyn zańnamalyq turǵydan qamtamasyz etýdiń de, memleket úshin mańyzy erekshe. Osy oraıda atalmysh zań jobasynyń tujyrymdamalaryn talqylaýdy ótkizip otyrǵan búgingi otyrystyń da máni zor»,- dedi depýtat D.Nóketaeva.