Ǵalymdar Vatıkandaǵy karta boıynsha Qazaq handyǵy kezindegi landshafty zertteýde

ASTANA. QazAqparat - Vatıkandaǵy jáne Eýrpanyń ózge elderindegi kartalardy zertteýge erekshe mán bermekpiz. Bul týraly búgin Ortalyq kommýnıkatsııalar qyzmetindegi baspasóz máslıhatynda QR BǴM Ǵylym komıteti Memleket tarıhy ınstıtýtynyń dırektory Búrkitbaı Aıaǵan málim etti.

«Jaqynda habarlanǵandaı, Vatıkanda Qazaq handyǵynyń kartasy tabylǵan-dy. Qazirgi elimizdiń jazyǵy ormandy bolyp kórsetilgen. Búginde Betpaqdalada aıtarlyqtaı ormandy jer emes, ıaǵnı shóleıtti alqap. Atap aıtqanda, 550 jyldyń ishinde bul ormandy jerlerdi adamdar joıyp jiberdi nemese basqa sebepter áser etti. Bul jerler ejelden shóleıtti boldy dep naqty aıta almaımyz. Múmkin shynymen de osy jerler qazirgige qaraǵanda jasyl-jelekti bolǵan shyǵar», - dedi ǵalym.

Onyń paıymynsha, sol kezderi Syrdarııanyń kólemi men arnasy da aýqymdy bolǵan.

«Biz tek salystyrmaly taldaýdy ǵana júrgizdik. ıAǵnı, bizdegi tarıhı málimetter boıynsha Qazaq handyǵy kezindegi landshaft pen búgingi klımattyq jaǵdaıdy salystyrdyq. Osy zertteýdiń qorytyndysy qoǵamdastyqqa jarııalanatyn bolady. Bul derekterdi ǵylymı kitaptarda keńinen kórsetýdi kózdep otyrmyz»,-dedi B. Aıaǵan.

Onyń sózine qaraǵanda, Vatıkandaǵy karta birnesheý ekeni belgili boldy. Kartany anyqtaǵan Rafıs Avazovtyń negizi - Qazaqstannyń týmasy. Qazirgi kezde ol - amerıkalyq azamat.

«Jaqynda ol elimizge keledi. Rafıs Avazovty jaqsy tanımyn. Atap aıtqanda, bul baǵyttaǵy jumysty toqtatpaı, jalǵastyrý kerek. Vatıkanan kartalardy alyp, zertteý ońaı emes. Sondyqtan osy kartanyń mańyzdylyǵyn eskerip, olardy zertteýge barsha múmkindigimizdi salmaqpyz. Tek Vatıkandy ǵana emes, sonymen qatar Eýropanyń ózge elderinde de Qazaqstan jaıynda ejelden zerttelgen qundy málimetter barshylyq. Olar saýda joldaryn jáne saıası baılanystardy nyǵaıtý baǵytynda elimiz aýmaǵynda sol kezderi kóptegen zertteýler jasaǵan. Osy oraıda olarda kóptegen málimetter men kartalar bolýy múmkin», - dedi ǵalym.