Ǵalymdar «tiri robot» qurastyrdy

NUR-SULTAN. QazAqparat - Ǵalymdar tiri kletkalardan alǵashqy «tiri robottardy» qurastyrdy, dep jazady QazAqparat The Independent basylymyna silteme jasap.

Basylymnyń habarlaýynsha, ǵalymdar baqa embrıonynyń kletkalaryn alǵan jáne ony jumysyn baǵdarlamalaýǵa bolatyn mashınaǵa aınaldyrǵan.

«Adamzat alǵash ret tolyǵymen bıologııalyq mashınany qurastyrdy», -deıdi ǵalymdar. Olar bul tehnologııany patsıenttiń aǵzasyna dári kirgizý úshin nemese muhıtty tazalaý úshin qoldanýǵa bolatynyn aıtty.

«Jańa tiri mashınalar dástúrli robottarǵa uqsamaıdy, tiri janýarlarǵa da qatysy joq. Bul jańa artefakt: tiri, baǵdarlamalaýǵa bolatyn aǵza»,- deıdi Vermont ýnıversıtetiniń sarapshysy, jańa zertteýdiń avtorlarynyń biri Djoshýa Bongar.

Jańa robot týraly materıal Proceedings of the National Academy of Sciences jýrnalynda jarııalandy.