Ǵalymdar Ózbekstanda dınozavrlardyń izderin tapty

ASTANA. QazAqparat - Ózbekstannyń Tashkent oblysynda jergilikti ǵalymdar dınazavrlardyń jappaı qyrylýynan keıingi kezeńnen olardyń izderin tapty, dep habarlady ÝzTAG.

«Ózbekstannyń ǴA geologııa jáne geofızıka ınstıtýtynyń qyzmetkerleri paleogen kezeńinde ómir súrgen janýarlardy sıpattady. Olar usaq jup tuıaqtylardyń, mysyq tuqymdas iri jyrtqyshtardyń jáne dınozavrlarǵa uqsas úsh saýsaqtylardyń izin anyqtady», - delingen habarlamada.

Bul izderdi ǵalymdarTashkent oblysyndaǵy ınstıtýttyń geologııalyq ekspedıtsııasynyń qazba jumystary kezinde tapqan, dep jazdy Uzbekistan Today.