Ǵalymdar Qazaqstannyń kıeli jerleri týraly vıdeolardy Youtube jelisine júkteýdi usyndy

ASTANA. QazAqparat - Týrısterdiń qyzyǵýshylyǵyn týdyrý úshin ǵalymdar Qazaqstannyń kıeli oryndary týraly keń kólemdi vıdeolardy Youtube jelisine júkteýdi usyndy, dep habarlaıdy «QazAqpraat» HAA tilshisi.

«Bul kıeli nysandar týraly kópshilik qalaı habardar bolady? Youtube-ke kirgen árbir adam kıeli nysandardy kóredi jáne baryp kórýge yqylasy oıanady. ıAǵnı, áserli túrde qabyldaý úshin, bul nysandy karta, ǵaryshtan túsirilgen sýret, 3D-úlgiler nemese keń kólemdi túsirilimder sııaqty túrli nusqada kórsetýge bolady. Sonda ǵana adamdardyń kelýge, kózimen kórýge degen qyzyǵýshylyǵy paıda bolady», - dep atap ótti Geografııa ınstıtýtynyń dırektory Medeý Ahmetqalı «Qazaqstannyń kıeli jerleriniń geografııasy» jobasyn júzege asyrý jónindegi jumys tobynyń birinshi respýblıkalyq forýmynda.

Sonymen birge, Medeý Ahmetqalı mundaı oryndardaǵy ınfraqurylymdy damytýdy esten shyǵarmaý qajettigin basa aıtty.

 «Mundaı oryndarǵa kelgen árbir týrıstke jaqsy jaǵdaı jasalýy tıis. Infraqurylymdy damytý, barlyq kelýshiler úshin yńǵaıly múmkindikterdi qarastyrǵan abzal», - dedi ol.

Buǵan deıin habarlanǵandaı, ǵalymdar men ólketanýshylardan quralǵan «Qazaqstannyń kıeli jerleri» jobasynyń aýqymdy ekspedıtsııasy Qazaqstannyń túrli aımaǵyndaǵy turǵyndardan kıeli jerler týraly málimetter men oı-pikirler jınaqtaýdy josparlaýda.