Ǵalymdar ıisterdi tarıhta qaldyrýdyń jolyn izdep jatyr
Avtor kitapsúıer qaýym onyń ıisin erekshe jaqsy kóretinin jáne bul ıis mádenı mura bola tura, joǵalyp ketýi múmkin ekenin, keler urpaqqa jetpeýi yqtımal ekenin jazady. Sonymen qatar avtor ıister de ózgeretindikten, olardy tarıhta qaldyrýdyń mańyzdy ekenin aıtady.
«Kalıfornııa ýnıversıtetiniń mádenı mura ınstıtýtynyń zertteýshisi Sessılııa Bembıbre «ólip» qalǵan ıisterdi qalpyna keltiretin jáne qazirgi ıisterdi saqtap, bolashaq urpaqqa jetkizetin joldy tabý úshin zertteý jasap júr. Ol adamzattyń ıis sezý murasy durys zerttelmeı jatyr degen oıda», dep jazady basylym.
2003 jyly ıÝNESKO materıaldy emes mádenı murany qorǵaý týraly konventsııa qabyldaǵan edi. Ol áleýmettik tájirıbeni, aýyz ádebıetin, oryndaýshylyq ónerdi qamtıdy. Al ıister bul tizimge kirmegen. Avtordyń aıtýynsha, ǵasyrlar boıy ıis ómirlik mańyzdy ról atqaratyn mádenı dástúrler kóp bolǵan. 2018 jyly Frantsııa, Paı de Grastyń parfıýmerııaǵa qatysty daǵdylary tizimge engizilgenimen, ıister taǵy da tys qaldy.
«Basqa memleketter ıistiń qundylyǵyn moıyndady. 2001 jyly Japonııagyń qorshaǵan ortany qorǵaý mınıstri memlekettegi eń hosh ıisti 100 orynnyń tizimin jasady. Al 2016 jyly Ystanbulda «Hosh ıis jáne qala» degen kórme ótti. Onda 4 myń jyldyq órkenıetti ıis arqyly zertteýge nazar aýdarylǵan», dep jazady avtor.
Al Sessılııa Bembıbre qalalardyń ıisin saqtap qalǵysy keledi. Sonymen qatar ol ıisterdiń de arhıvi bolýy kerek degen oıda. Ol osy baǵyttaǵy jumysyn jalǵastyra bermek.