Ǵalymdar Elbasy Nursultan Nazarbaevtyń kóshbasshylyq fenomenin talqylady

 ALMATY. QazAqparat - Almatyda Elbasy kitaphanasynyń «N. Nazarbaev: dáýir, kóshbasshy, qoǵam» ǵylymı aǵartýshylyq jobasy ǵylymı praktıkalyq konferentsııamen jalǵasty, dep habarlaıdy QazAqparat tilshisi.

Alqaly jıynǵa memleket qaıratkerleri, tarıhshy ǵalymdar, alys jaqyn shetelden sarapshylar, saıasattanýshylar qatysty.

QR BǴM ǴK Sh.Ýálıhanov atyndaǵy tarıh jáne etnologııa ınstıtýtynyń dırektory, professor Zııabek Qabyldınov Memleket basshysy Nursultan Nazarbaevtyń turaqty qoǵam qalyptastyrýda atqarǵan eńbegin birneshe pýnktke bólip aıtyp ótti.

«Memleket basshysy Nursultan Nazarbaev beıbitshilik pen kelisim ornaǵan turaqty qoǵamdy qalyptastyrý úshin ne istedi? Birinshiden, Elbasy ata zańymyzda beıbitshilik pen kelisimdi bárinen joǵary qoıý kerektigin basa aıtty. Barlyq sózinde Qazaqstanda ilki zamannan beıbit el bolǵanyn aıtyp keledi. Ol qazaq halqyn ózge ult ókilderiniń ómiri úshin jaýapkershiligin begiledi. Prezıdent ultaralyq qaqtyǵystarǵa ákeletin separatıstik pıǵyl úshin jazany aýyrlatty. Syrttaǵy kıkiljińderge qatysýǵa tyıym saldy. Elde tıimdi til saıasaty jasaldy. 2010 jyly Elbasy Qazaqstan halqynyń birligi týraly biregeı doktrına jasady.  Únemi etno-mádenı birlestikterge qoldaý kórsetip keledi. Prezıdent qazaq halqynyń qonaqjaılylyǵy, mentalıtetin, darhandyǵyn álemge pash etti. Eger ózge elde polıetnıkalyq quram otralyq saıasat negizinde qalyptassa, bizde ózge ulttardy deportatsııalaý nátıjesinde qalyptasty. Bul da basa eskeretin jaıt. 1992 jyldan bastap Qazaqstanǵa Elbasynyń bastamasymen 1 mln asa qandasymyz qaıta oraldy. Sonyń arqasynda elimizde beıbitshilik pen tynyshtyq ornady», - dedi Zııabek Qabyldınov.

Qazaqstan Respýblıkasy Tuńǵysh prezıdenti kitaphanasy dırektorynyń orynbasary Qaıypova Botagóz búgingi sharanyń mańyzdylyǵy týraly aıtyp ótti.

«Elbasy Kitaphanasynyń kúndelikti kásibı qyzmetinde mańyzdy oqıǵa bastaldy. Búgin  táýelsizdiktiń altyn besigi - Almaty kóshpeli jobasy aıasynda ǵylymı konferentsııa bastaldy. Munda alys jaqyn shetelden kelgen ǵalymdar men sarapshylar Elbasynyń kóshbasshylyq fenomenin, 25 jyldan astam tarıh ishinde táýelsizdiktiń,  memlekettilikti qalyptastyrýdaǵy eńbegi men rólin talqylap jatyr. Búgingi konferentsııa barysynda sheteldik qonaqtardyń biri Elbasynyń aıqyn dara saıasatyn, biri - adamı qyryn, halyqaralyq sahnadaǵy eńbegin, otandyq ǵalymdar  ultaralyq etnosaralyq qatynasty damytýdaǵy eńbegin aıtyp jatyr», - dedi Botagóz Qaıypova.

Onyń aıtýynsha, konferentsııa jumysy barysynda oqylǵan zerttep, zerdelengen materıaldar túgel basylym bolyp shyǵady.

Aıta ketý kerek, keshe Memlekettik ortalyq mýzeıde QR Tuńǵysh Prezıdenti kitaphanasynyń kóshpeli jobasy, kórme ashylǵan bolatyn. Mýzeıge kelýshilerden aıaǵy basylar emes.

Kelýshiler nazaryna kitaphananyń arhıv, kitap, mýzeı qorynyń sırek jádigerleri, Elbasynyń joǵary memlekettik marapattary, Qurandar kollektsııasy, ózge memleket basshylarynyń qoltańbasymen kitaptar, N.Nazarbaevtyń shet tilindegi kitaptary qoıyldy.

Astanadaǵy Elbasy mýzeıinen 800 túpnusqa qoljazba, sýret, jeke zattary ákelindi.

Kóshpeli kórme Almatyda 2 aıdaı turady. Keıin kórme Qaraǵandy men Shymkent qalalaryna ketedi.