Ǵalym: Jastar máselesi – únemi Elbasy nazarynda

ASTANA. QazAqparat - Memleket basshysy Nursultan Nazarbaevtyń Joldaýyn Qazaqstan halqy bul joly da úlken úmitpen kútti. Óıtkeni ár Joldaý elimiz damýynyń ózekti máselelerine arnalady. L.N. Gýmılev atyndaǵy Eýrazııa ulttyq ýnıversıtetiniń dotsenti, tarıh ǵylymdarynyń kandıdaty Erlan Saılaýbaı osyndaı pikir bildirdi, dep habarlaıdy QazAqparat.

«Jastar máselesi esh ýaqytta Elbasy nazarynan tys qalǵan emes. Bul jolǵy Joldaýda, eń aldymen, barlyq sanattaǵy jastardyń múddesine saı memlekettik deńgeıde atqarylatyn áleýmettik is-sharalar kesheniniń usynylýy, jas otbasylardy úımen qamtamasyz etýdi jetildirý tetikterin iske qosý jáne  jastarǵa arnalǵan deneshynyqtyrý-saýyqtyrý keshenderin salýdy kúsheıtý máseleleri qadap aıtylǵany bizdi erekshe qýantty», - deıdi E.Saılaýbaı. 

Ǵalymnyń aıtýynsha, memleket tarapynan jastarǵa jáne jas otbasylarǵa kórsetilip otyrǵan qamqorlyq pen qoldaý keleside jańa mazmunǵa ıe bolmaq. «Aldaǵy ýaqytta osy baǵyttaǵy Elbasy tapsyrmalarynyń túıindelgen is-sharalar kesheni tolyǵymen júzege asady degen senimdemiz», - dedi ol.

 Foto: hist.enu.kz