Ǵalym jańa qurylatyn oblystarda joǵary oqý oryndary az ekenin másele etip kóterdi
Astanada «Jastardyń jańa Qazaqstandy qurýdaǵy róli» atty analıtıkalyq dıskýrs ótti. Selektorlyq rejımde ótken sharada jastar uıymdary men birlestikteriniń, saıası partııalar men zertteý ortalyqtarynyń ókilderi QR Prezıdentiniń «Jańa Qazaqstan: jańartý jáne jańǵyrtý joly» atty Qazaqstan halqyna Joldaýyn iske asyrý boıynsha usynystaryn jetkizdi.
«Prezıdenttiń bul Joldaýy qańtarda bolǵan oqıǵadan keıin ǵana shyqqan joq. Joldaý Memleket basshysynyń osyǵan deıingi óziniń zerdelep, aldyna qoıyp kelgen baǵyttaryn qamtydy. Qańtar oqıǵasy tek sol baǵyttardyń jarııalanýyn tezdetti», - degen qoǵam belsendisi Іlııas Tútikbaev jańadan qurylatyn oblystardyń bilim salasyna qatysty usynys aıtty.
«Elimizde Ulytaý, Jetisý, Abaı sııaqty úsh oblys ashylady. Buryn Almaty oblysynda eki joǵary oqý orny bolǵan. Onyń bireýi Taldyqorǵan oblysynda, ekinshisi Qarasaı aýdanynda ornalasqan. Jetisý ýnıversıteti Jetisý oblysynda qalýy múmkin. Al Qarasaı aýdanynda Súleımen Demırel atyndaǵy ýnıversıtet bar. Prezıdenttiń joǵary oqý oryndaryn ashý boıynsha tapsyrmalary bar. Sol tapsyrma aıasynda osy 2 oblysqa nazar aýdarsa degen usynys bar. Ulytaý oblysynyń Jezqazǵan qalasynda da bir ǵana oqý orny bolǵan. Meniń bilýimshe, tekserýden keıin jabylý protsesi júrip jatyr. Osyny eskersek, jańa qurylatyn oblystardyń joǵary bilim salasyna nazar aýdarý kerek», - dedi ǵalym.