Ǵalym Mutanov Túrkııanyń memlekettik joǵary nagradasyna ıe boldy

ALMATY. QazAqparat - Ál-Farabı atyndaǵy QazUÝ rektory akademık Ǵalym Mutanov ǵalym retindegi kórnekti eńbegi men ǵylym jáne bilim berý salalaryndaǵy qarym-qatynasty damytýǵa qosqan úlesi úshin Túrkııa Respýblıkasynyń memlekettik joǵary nagradasyna laıyqty dep tanyldy, dep habarlaıdy QazAqparat.

Bul jaıynda Túrkııa Parlamentiniń depýtaty Metın Gıýndogdý Almatyda ál-Farabıdiń 1150 jyldyq mereıtoıyn atap ótý merekesiniń bastaý alǵan saltanatynda aıtty.

Saltanatty sharada sóz alǵan túrkııalyq depýtat akademık Ǵalym Mutanovtyń ǵylym jáne bilim berý salalaryndaǵy Qazaqstan men Túrkııa elderi áriptestikteriniń damýynda, eki eldiń dostyq qarym-qatynasynyń artýynda eńbegi zor ekenin aıtty.

Marapat Ankarada Túrkııa Parlamentinde tabys etiledi.

«Akademık Ǵalym Mutanovty biz kórnekti ǵalym retinde bilemiz, onyń jetekshiligimen uly ál-Farabı esimin ıelengen Qazaq ulttyq ýnıversıteti túrki áleminiń úzdik ýnıversıteti bolyp tanyldy. Qazaq dalasynyń jáne túrki áleminiń týmasy, adamzattyń ǵulama oıshyly ál-Farabı muralaryn jáne izgilikti ıdeıalaryn saqtap, jańǵyrtýdaǵy QazUÝ-dyń ornyn erekshe atap ótkim keledi», - dedi Metın Gıýndogdý.

Mundaı nagradamen memleket jáne qoǵam qaıratkerleri, kórnekti ǵalymdar men dıplomattar marapattalady.