Ǵalym QR astanasynda «Bozoq» murajaıyn qurý perspektıvalary týraly aıtty

NUR-SULTAN. QazAqparat- Qoryqtyń tarıhı-mádenı mýzeıiniń dırektory Sáýle Bóribaeva Qazaqstan astanasynda mýzeı ashý perspektıvalary týraly aıtty, dep habarlaıdy QazAqparat tilshisi.

«2020 jyly 24 normatıvtik-quqyqtyq akt qabyldandy, bul mýzeı-qoryqtyń qyzmetin jetildirýge múmkindik berdi. «Bozoq» qalashyǵy ulttyq parkiniń jobasy mysalynda rebrendıngtiń áleýetti múmkindikterin kórsetkimiz keledi. Joba órshil mindetterdi sheshý, Eýrazııa dala órkenıetiniń alýan túrliligi men baılyǵyn jetkizý úshin perspektıvaly bolyp tabylady», - dep atap ótti Sáýle Bóribaeva QR Mádenıet jáne sport mınıstrliginiń keńeıtilgen alqa otyrysynda.

Spıker Bozoq qalashyǵy tarıhtyń myńjyldyq qabatyn, dala mádenıetiniń erte kezeńnen kesh ortaǵasyrǵa deıingi damýyn bildiretinin atap ótti.

«Ǵalymdar Aqyshev pen Habdýlına belgilegen Bozoq qalashyǵynyń mádenı mańyzy eskertkishtiń kópquramdylyǵyna, kópqabattylyǵyna negizdelgen. Joba tarıhı jáne ınvestıtsııalyq quramdas bólikten turady. Tarıhı bólim eneolıt dáýirinen etnografııalyq qazirgi zamanǵa deıingi dala órkenıetiniń, mádenıettiń damýynyń birtutas beınesin usynady. Ǵıbadathanalar men mádenı qurylymdar, Metallýrgııalyq jáne qysh óndirisiniń ejelgi tehnologııalyq keshenderi, olardy qalpyna keltirý úshin 4 Ǵylymı tujyrymdama jasaldy. Jobanyń ınvestıtsııalyq bóligi amfıteatr, Shyǵys bazarynyń aılaǵy, otbasylyq demalys ortalyǵy, bıopark qurylysyn bildiredi», - dep tolyqtyrdy Sáýle Bóribaeva.