Galle týrnıri: Aleksandr Býblık týǵan kúninde jeńiske jetip, shırek fınalǵa shyqty

<p>ASTANA. KAZINFORM &ndash; Qazaqstandyq Aleksandr Býblık juptyq synda Galle (Germanııa) ATP 500 týrnıriniń shırek fınalyna shyqty.</p>

Qazaqstandyq tennısshi frantsııalyq Artýr Fılspen birge bastapqy kezdesýin ýrýgvaılyq Arıel Behar – chehııalyq Adam Pavlashekpen ótkizdi.

Qazaqstandyq-frantsııalyq jup 6:4, 7:5 esebimen basymdylyq tanytty. Bir saǵattan astam ýaqytqa sozylǵan báseke barysynda ekeýi 12 eıs jasap, 8 breık-poınttyń teń jartysyn múlt jibergen joq. Ýrýgvaılyq-chehııalyq dýet 5 eıs, 2 breıkpen (5 breık-poınt) shekteldi.

A.Býblık – A.Fılstiń shırek fınaldaǵy qarsylastary keıin belgili bolady. 

Jekeleı synda ótken jyly osy jarystyń jeńimpazy atanǵan Aleksandr Býblık bıyl alǵashqy aınalymda reıtıngide 101-oryndaǵy aýstralııalyq Maks Perselmen kortqa shyǵady. 

Álemniń 17-raketkasy A.Býblık búgin 27 jasqa tolyp otyr. 

Eske sala keteıik, budan buryn Prezıdenttiń Elena Rybakınany 25-ke tolǵan týǵan kúnimen quttyqtaǵanyn jazǵan bolatynbyz.

Olımpıada qarsańynda Qazaqstan sportshylary qandaı jetistikke jetti, olqylyqtar qandaı ekeni týraly osy materıaldan oqı alasyz.