Ǵalymdardyń sany boıynsha Qazaqstan TMD elderi arasynda kósh sońynda tur

<p>Ǵylymı-zertteý jáne tájirıbelik-konstrýktorlyq jumysty (ǴZTKJ) oryndaıtyn personal sany boıynsha 10 myń qyzmetkerge shaqqanda Qazaqstan TMD elderi arasynda aýtsaıderler qatarynda: bar bolǵany 25 adam, onyń 19-y ǵana - zertteýshi mamandar. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.energyprom.kz/ru/a/monitoring/po-otnositelnoj-chislennosti-uchyonyh-kazahstan-v-autsajderah-sredi-stran-sng" target="_blank" rel="noopener">Energyprom</a> monıtorıng resýrsyna silteme jasap habarlaıdy.&nbsp;</p>

Salystyrmaly túrde aıtsaq, Reseıde 10 myń qyzmetkerge ǴZTKJ-men aınalysatyn 92 qyzmetker (onyń 47-si zertteýshi mamandar), Belarýste — 53 (onyń 34-i zertteýshi), Armenııada — 49 (38-i ǵylymı qyzmetker).

Tipti terrıtorııasy men halyq sany jaǵynan aıtarlyqtaı shaǵyn Moldova da Qazaqstan Respýblıkasynan alda (10 myń adamǵa 49 ǵalym), sondaı-aq Ázerbaıjan da (40 ǵalym) kóshilgeri.

Bul — 2021 jyldyń kórsetkishi. Sodan beri Qazaqstanda jaǵdaı jaqsardy ma?

Kóp ózgermegen. Máselen, 2021 jyly ǴZTKJ qyzmetkerleri sany 21,6 myń adamdy qurasa, 2022 jyly ol 3,9%-ǵa ǵana ósip, 22,5 myń adamǵa jetken.

Salystyrý úshin: 2015 jyly bul kórsetkish 24,7 myń adamdy, 2014 jyly 25,8 myń adamdy qurady.

Ǵylym jáne joǵary bilim mınıstri óz elinde oryn tappaǵan qazaqstandyq ǵalymdardyń shetelde ózge elderdiń ekonomıkasynyń ıgiligi úshin jemisti eńbek etip jatqanyn aıtty.