Ǵalymdardyń bazalyq jalaqysy jyl saıyn 20 paıyzǵa kóteriledi – Saıasat Nurbek
«Sońǵy 20 jylda ǵalymdarymyzdyń sany 22 myńǵa endi jetti. Ǵalymdar qartaıyp barady. Ǵylymı-zertteý ınstıtýttary basshylarynyń ortasha jasy – 59 jas. Ulttyq ǵylym akademııasy músheleriniń ortasha jasy – 69 jas. Jastar jaman emes. Sońǵy 5 jylda jastar ǵylymǵa kele bastady. Qazirgi tańda 40 jasqa deıingi ǵalymdardyń sany 46 paıyzǵa jetip otyr. Demek, 22 myń ǵalymnyń 46 paıyzy - 40 jasqa deıingi jastar. Qorqatyndaı jaǵdaı joq. Jastar birtindep ǵylymǵa kelip jatyr», - dedi mınıstr Jibek Joly telearnasynyń «Ýáde» baǵdarlamasyna bergen suhbatynda.
Osy rette ol ǵalymdardy áleýmettik qoldaý is-sharalaryna toqtaldy.
«Ótken jyldyń qyrkúıek aıynda 1 700 jetekshi ǵalymnyń jalaqysyn birden 70 paıyzǵa ósirdik. Olar - professorlar, úlken ujymdardy basqaryp otyrǵandar jáne ǵylymı jobalarǵa belsendi qatysatyn ǵalymdar. Osy jyldan bastap jyl saıyn ǵalymdardyń, professorlardyń, oqytýshylardyń jalaqysyn 20 paıyzǵa ósirýge sheshim qabyldadyq. Ótken jyldary jalaqy joǵary oqý oryndarynyń, ǵylymı ınstıtýttardyń esebinen ósiriletin. ıAǵnı, mınıstrlik olarǵa qyrkúıekten bastap jalaqyny 15, 12 paıyzǵa kóterý týraly hat jiberetin. Biraq, olardyń jalaqyny kóterýge jaǵdaıy bolmaıtyn. Úkimet bizdi qoldady. Bıyldan bastap 20 paıyzdy respýblıkalyq bıýdjetten bólemiz. Demek, bazalyq jalaqy jyl saıyn 20 paıyzǵa ósip otyrady», - dedi Saıasat Nurbek.