Ǵalymdar ýaqyt beldeýin ózgertýdiń keri áserin dáleldese, kim jaýapty bolady

<p>ASTANA. KAZINFORM &ndash; Qazir elimizde biryńǵaı ýaqyt beldeýine kóshýdiń adam aǵzasyna áseri zerttelip jatyr. Eger ǵalymdar ýaqyt beldeýin aýystyrýdyń keri áserin dáleldep shyqsa, burynǵy ýaqyt beldeýin keri qaıtara ma jáne ol úshin kim jaýapty bolady? Dál osy suraq Saýda jáne ıntegratsııa mınıstri Arman Shaqqalıevqe qoıyldy.</p>

— Zertteý, monıtorıng salalyq negizde bólindi, ıaǵnı densaýlyq saqtaý, energetıka, bilim berý máseleleri boıynsha, jınaqtalǵan aqparat alǵannan keıin biz qorytyndyny alamyz. Biz obektıvti sóıleıtin bolamyz, ıaǵnı obektıvti kórsetkishti sıpattaıtyn metrıka onyń bári zertteledi, - dedi Arman Shaqqalıev Úkimet úıi qabyrǵasynda BAQ ókilderiniń saýalyna jaýap bere turyp. 

Sondaı-aq tilshiler mınıstrge eger ǵalymdar ýaqyt beldeýin aýystyrý adamǵa keri áser etedi dese, qateligińizdi moıyndaýǵa daıynsyz ba degen naqtylaý saýalyn joldady.

— Buǵan deıin de birneshe ret aıtqanbyz, sheshim qabyldandy jáne men bul sheshimdi eshqashan qate dep aıtpaımyn. Ǵalymdar dınamıkany baıqaý kerek dep otyr, - dep tolyqtyrdy vedomstvo basshysy.

Aıta ketsek, Memleket basshysy Qasym-Jomart Toqaev jyl basynda «Ana tili» gazetine bergen suhbatynda biryńǵaı ýaqyt beldeýine qatysty suraqqa pikir bildirdi.  

Sondaı-aq Úkimet basshysy Oljas Bektenov ýaqyt beldeýine qatysty sheshim túpkilikti ekenin aıtqan bolatyn.