Ǵalymdar tsementbeton jabynyn saqtap qalatyn materıaldardy synaqtan ótkizedi

<p>ASTANA. KAZINFORM — QazjolǴZI ǵalymdary naryqta usynylǵan tsementbeton jabynyn saqtap qalýǵa arnalǵan materıaldardyń tıimdiligin anyqtamaq. Bul rette eksperımenttik ýchaskelerde naryqta usynylǵan materıaldar konkýrstyq synaqtan ótkiziledi.</p>

Synaq elimizdiń ońtústik jáne soltústik óńirlerinde júrgiziledi. Onyń sebebi joq emes. Bul — ártúrli klımattyq jaǵdaılarda materıaldardyń tıimdiligin baǵalaýǵa múmkindik beredi.

Konkýrstyq synaq barysynda ártúrli materıaldardyń fýnktsıonaldyq qasıetteri týraly derekter jınalyp, quramyndaǵy kemshilikterdi joıýǵa jáne quramyn jaqsartýǵa jol ashylmaq.

Onyń nátıjesi kelesi jyldyń kókteminde aıqyndalady, keıin vedomstvolyq uıymdardyń qatysýymen tsementbeton jabyndaryn kútip-ustaý kezinde naryqta bar materıaldardyń sapasy men olardy qoldanýdyń oryndylyǵy talqylanady.

Foto: QazjolǴZI

Esterińizge sala keteıik, buǵan deıin jolshy ǵalymdar otandyq jol boıaýyn óndirýshiler arasynda synaq ótkizgen bolatyn.

Ónimderi konkýrstyq synaqtan ótpeıtin reıtıngi tómen óndirýshilerdi memlekettik satyp alý rásimine qatysýǵa jibermeý kózdelip otyr.

Sondaı-aq, QazjolǴZI avtomobıl joldarynyń sapasyn jaqsartý maqsatynda qurylys pen kútip-ustaýdyń barlyq kezeńderinde qoldanylatyn materıaldarǵa tekserý júrgizip, reıtıngtik ádisti qoldanýdy josparlap otyr. 

Al tsementbeton jabynyn saqtap qalýǵa arnalǵan materıaldardyń fýnktsıonaldyq qasıetterin anyqtaý jol ınfraqurylymyn jaqsartý jáne onyń qyzmet etý merzimin uzartý boıynsha ınnovatsııalyq sheshimderdi izdep-tabýǵa úshin zertteý júrgizýge múmkindik bermek.