Ǵalymdar taýyqtyń neden qyzaratynyn anyqtady

<p>ASTANA. KAZINFORM &ndash; Frantsııanyń aýyl sharýashylyǵy, azyq-túlik jáne qorshaǵan orta ulttyq ǵylymı-zertteý ınstıtýtynyń ǵalymdary úı taýyqtary ashýdan, qýanyshtan jáne basqa da emotsııalardan qyzaryp ketetinin anyqtady.</p>

Zertteý Applied Animal Behavior Science ǵylymı jýrnalynda jarııalandy.

Ǵalymdar sýsseks tuqymyn tańdap alǵan. Qustar Lýara ańǵaryndaǵy fermada úsh apta boıy baqylaýda bolǵan.

Budan keıin zertteýshiler eksperıment kezinde túsirilgen taýyqtardyń 18 myń fotosýretin tańdady. Ǵalymdar teriniń qyzarý deńgeıin taldaý úshin materıaldardy baǵdarlamaǵa júktedi.

Nátıjesinde taýyqtar dámdi taǵam bergende azdap qyzaratynyn, al jaǵymsyz oqıǵalar týyndasa (mysaly, taýyqty qýǵan kezde) bet terisi qyzyl túske boıalatyny anyqtalǵan. 

Ǵalymdardyń pikirinshe, taýyqtardyń qyzarýy týraly aqparat olardyń emotsıonaldyq kúıin jaqsy túsinýge, sáıkesinshe jaǵdaıyn baǵalaýǵa múmkindik beredi.