Ǵalymdar Altyn Orda dáýirindegi kostıýmderdi jańartyp jatyr

<p>Marǵulan ýnıversıteti janyndaǵy arheologııalyq zertteýler ınstıtýtynyń &laquo;Umaı&raquo; mádenı muralardy saqtaý jáne qalpyna keltirý jónindegi halyqaralyq zerthanasynyń ǵalymdary ótken jyly birqatar tarıhı muralardy zertteý jáne nasıhattaý jumystaryna qatysty, dep habarlaıdy <a href="https://kaz.inform.kz/" target="_blank" rel="noopener">Kazinform</a> Ǵylym jáne joǵary bilim mınıstrliginiń baspasóz qyzmetine silteme jasap.&nbsp;</p>

Sonyń biri – Altyn Orda dáýirine jatatyn Talmas ata kesenesinen tabylǵan tarıhı kıimderdi rekonstrýktsııalaý týraly joba. «Umaı» halyqaralyq zerthanasynyń meńgerýshisi Tatıana Krýpanyń aıtýynsha, Talmas ata kesenesinen tabylǵan arheologııalyq jádigerler álemdik arheologııalyq qaýymdastyq úshin mańyzdy tarıhı olja sanalady (arheolog A.Qasenalınniń ulytaý aýmaǵyndaǵy qazba jumystary nátıjesinde anyqtalǵan). 

Foto: QR Ǵylym jáne joǵary bilim mınıstrligi

«Talmas ata kesenesi Altyn Orda dáýirine jatady. Bul Ulytaý aýmaǵynda ornalasqan. Zertteýshiler osy kesenede jerlengen adamdy Bolǵan ana kesenesimen týystyq qatynasy bar dep baılanystyrady. Al onyń shapany birneshe jyldan beri osynda saqtalǵan. Qazir sol shapan boıynsha konservatsııa (uzaq ýaqytqa saqtaý) jumysy jalǵasyp jatyr. Ótken jyly Varshava ýnıversıtetinde (Polsha) jáne Kopengagen ýnıversıtetinde (Danııa) ótken halyqaralyq konferentsııalarda Qazaqstan men Ýkraına aýmaǵyndaǵy Altyn Orda artefaktilerin zertteýge arnalǵan baıandama jasadym. Sonymen qatar Bolǵan ana kesenesinen tabylǵan shapan týraly jeke baıandama jasaldy. Talmas ata kesenesinen tabylǵan materıaldardyń ishindegi taǵy bir erekshe jádiger ol – er adamnyń etigi. Onyń aınalasynan Talmas Ata kesenesinde jerlengen adamnyń beınesi bar degen tujyrymdama jasalǵan. Sodan keıin ejelgi etikterdiń kóshirmesin jasaý jumystary júrgizildi. Bolashaqta atalǵan jádigerlerdi konservatsııalaý jumystary josparlanyp otyr», - dedi ol.

Foto: QR Ǵylym jáne joǵary bilim mınıstrligi

Qazba jumystarynan tabylǵan etiktiń ókshesi men tabanynan basqa bóligi tolyq saqtalǵan. Tipti, saqtalǵan bólikterde qazirgi qazaq oıý-órnegine óte uqsas qyzyqty dekorlardy kórýge bolady. Tatıana Krýpa muny Altyn Orda dáýiriniń tehnologııalary men kıim dástúrleriniń sabaqtastyǵy dep sanaıdy.

Foto: QR Ǵylym jáne joǵary bilim mınıstrligi