Ǵalymdar alǵash ret Jerge óte uqsas planeta tapty

<p>ASTANA. KAZINFORM &ndash; Qytaı jáne Amerıkanyń planetologtary Mergen shoqjuldyzyndaǵy aq ergejeılilerdiń birinen ólshemi boıynsha Jerdiń úlkeıtilgen kóshirmesine uqsas jáne juldyzdan salystyrmaly túrde qysqa qashyqtyqta aınalyp turǵan ǵalamshardy anyqtady, dep habarlaıdy <a href="https://nauka.tass.ru/nauka/21967215" target="_blank" rel="noopener">TASS</a> aqparat agenttigi.&nbsp;</p>

Bul jańalyq Jer analogtary keıde kún tárizdi juldyzdardyń aq ergejeılilerge aınalý protsesine tótep bere alatynyn kórsetedi, dep habarlady Kalıfornııa ýnıversıtetiniń Berklıdegi baspasóz qyzmeti.

«Biz Jerdegi tirshilik Kúnniń qyzyl alypqa aınalýynan aman qalý-qalmaýyn áli bilmeımiz, biraq endi planetany evolıýtsııanyń osy kezeńinde juldyz jutyp qoımaıtynyna senimdimiz. Biz ashqan planetalar júıesi – Jerge óte uqsas ǵalamshardyń óz juldyzy qyzyl alypqa aınalýynan aman qalǵanynyń aıqyn mysaly», - dep túsindirdi Berklıdegi Kalıfornııa ýnıversıtetiniń dotsenti Djessıka Lý.

Zertteýshiler bul jańalyqty ońtústikkoreıalyq KMT teleskopynyń mıkrolınzalyq baqylaýlar júrgizý barysynda jınaǵan sýretterdi zertteý kezinde jasady.

Sýretterdi taldaý barysynda ǵalymdar mıkrolınzalyq epızodtardyń biri Jerden 25 myń jaryq jyly qashyqtyqta ornalasqan Mergen shoqjuldyzynda ornalasqan erekshe juldyzdar júıesi arqyly jasalǵanyn anyqtady. Ol aq ergejeıliden turady, onyń aınalasynda salystyrmaly túrde qysqa qashyqtyqta, eki astronomııalyq birlik tártibi boıynsha (Jer men Kúnniń arasyndaǵy ortasha qashyqtyq) Jerge uqsas planeta aınalady, ol massasy jaǵynan Jerden shamamen 1,9 ese úlken.

Ǵalymdar atap ótkendeı, bul jańalyq Kúnniń qyzyl alypqa aınalýynan Jerdiń aman qala alatynyn boljaıdy. Osynyń saldarynan ǵalamshardaǵy tirshilik tolyǵymen joıylýy múmkin, biraq adamzat urpaqtary bul kataklızmnen Satýrn men ıÝpıterdiń serikterinde aman qalýy múmkin, dep qorytyndylady astronomdar.

Kazinform úshin arnaıy TASS seriktes agenttigi usynǵan.