«Ǵalam» qazaqstandyq-frantsýzdyq kásipornynyń bas dırektory taǵaıyndaldy

ASTANA. QazAqparat - «Ǵalam» JShS qatysýshylarynyń jalpy jınalysynyń sheshimimen Aıbergen Rýslanuly «Ǵalam» kásipornynyń bas dırektory bolyp taǵaıyndaldy, dep habarlaıdy «QazAqparat» HAA tilshisi.

Hattamany jınalys tóraǵasy, «Qazaqstan Ǵarysh Sapary» UK» AQ  prezıdenti Marat Nurǵojın frantsýzdyq  áriptesteriniń kelisimimen bekitti.

Aıbergen Rýslanuly  «Qazaqstan Ǵarysh Sapary»  UK» AQ-da

2013 jyldan beri eńbek etedi. Jobalar ofısine jetekshilik etti, al 2015 jyldyń naýryzynan bastap perspektıvalyq jobalar Ortalyǵynyń dırektory bolyp taǵaıyndaldy. 2015 jyldan bastap  «Ǵalam» JShS Baıqaýshylar keńesiniń múshesi.

Eske sala ketsek, «Ǵalam» JShS 2009 jyly  QR Jerdi qashyqtan zondtaýdyń ǵaryshtyq júıesin jasaqtap birlesken jobalardy iske asyrý  maqsatynda qurylǵan. Sondaı-aq Astanada «Ǵaryshtyq apparattardyń jınaý-synaq keshenin qurý kózdelgen.

Birlesken kásiporynda «Qazaqstan Ǵarysh Sapary»  UK» AQ -nfń jarǵylyq kapıtaly 72 paıyzdy, frantsýzdyq «EADS Astrium» (qazirgi ýaqytta «Airbus Defence and Space»)  sáıkesinshe 27,5 paıyzdy quraıdy. Memlekettik organ - QR qarjy mınıstrligi Memlekettik múlik jáne jekeshelendirý komıtetiniń úlesi 0,5 paıyz.