«Ǵalam arýy» baıqaýynda qazaqstandyq arý ulttyq kıimin tanystyrdy

<p>Salvadorda &laquo;Ǵalam arýy-2023&raquo; sulýlyq baıqaýynda ulttyq kostıýmder shoýy ótti. Qazaqstan atynan Miss Almaty-2022 jáne Vice Miss Qazaqstan-2022 Tomırıs Zaıyr qatysýda, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Ǵalam arýy baıqaýyndaǵy shabyt pen qoldaý úshin qazaq elime úlken alǵys bildirgim keledi. Týǵan jerimdi tanystyrý men úshin qurmet jáne men tańǵajaıyp mádenıetimizdiń bir bóligi bolǵanymdy maqtan tutamyn. Keshe bizde resmı tanystyrylym sharasy ótti, búgin - ulttyq kostıýmder shoýy bolady», - dep jazdy Tomırıs óziniń Instagram paraqshasynda.

Tomırıstiń ulttyq kıimin qyrǵyzstandyq dızaıner Arzýbek Amanov tikken.

Dızaınerdiń aıtýynsha, bas kıimin ádettegi sáýkele nemese kımeshek emes, ózgeshe formatta jasaýǵa tyrysqan. Osylaısha, Qazaqstan sımvolıkasynyń biri sanalatyn búrkit obrazy tańdalǵan.

«Anyqtap qarasańyz, búrkit qanatyn jaıyp, ushýǵa daıyn turǵandaı kórinedi. Oǵan qosa, qazaq patshaıymy Tomırıs tulǵasyna úlken qyzyǵýshylyq tanyttym. Onyń stılin zamanaýı etýge tyrystym. Shamamen bir aıda osy kóılekti tiktik, kóńilimnen shyqty», - dep jazdy dızaıner óz paraqshasynda.

Aıta keteıik, konkýrs fınaly 18 qarashaǵa josparlanǵan.