Ǵabıt Syzdyqbekov Prezıdentke Shymkent qalasynyń damýy jóninde esep berdi

<p>ASTANA. KAZINFORM - Memleket basshysyna Shymkent qalasynyń 2023 jylǵy áleýmettik-ekonomıkalyq damýy jóninde esep berildi, dep habarlaıdy Aqordanyń baspasóz qyzmeti.&nbsp;</p>

Ótken jyldyń qorytyndysy boıynsha negizgi kapıtalǵa salynǵan ınvestıtsııa kólemi 26 paıyzǵa artyp, 724,3 mıllıard teńgeni quraǵan. Byltyr 1 trıllıon teńgeden astam somanyń ónerkásiptik ónimi óndirilgen.

Qurylys salasy aıtarlyqtaı jandanyp, 1 mıllıon sharshy metrden astam turǵyn úı paıdalanýǵa berilgen.

— óńirde ónerkásip salasyn damytý úshin jalpy aýmaǵy 867 gektar bolatyn 5 óndiristik aımaqqa ınfraqurylym tartý jumystary qolǵa alynyp, ınvestıtsııalyq jobalardyń pýly jasaqtalǵan;

— qazir 128 myńnan astam shaǵyn jáne orta bıznes sýbektisi jumys isteıdi. Bul 2022 jylmen salystyrǵanda 16,4% kóp. Kásipkerlikti damytý úshin 3498 jobaǵa jalpy somasy 19,8 mlrd teńge kóleminde qoldaý kórsetilgen;

— qalada jańa áýejaı termınalynyń qurylysy jáne temirjol vokzalyn rekonstrýktsııalaý jumystary júrgizilýde;

— shaharda «Іzetti zeınetker» saýyqtyrý ortalyǵy, Kongress holl, Ústel tennısi kesheni jáne jańa ıppodrom sııaqty nysandar salynǵan;

— byltyr úsh mektepke qosymsha ǵımarat, Oqýshylar saraıy jáne Balalarǵa arnalǵan shyǵarmashylyq ortalyq ashylǵan;

— «Jaıly mektep» ulttyq jobasy aıasynda 28 myń oqýshyǵa arnalǵan 18 bilim berý mekemesiniń qurylysy bastalǵan;

— 233 shaqyrym jolǵa jóndeý jumystary júrgizilip, úlken jolaıyryq paıdalanýǵa berilgen;
qoǵamdyq qaýipsizdikti qamtamasyz etý maqsatynda bıyl qala kóshelerine 3000 beınebaqylaý kamerasyn ornatý, 1000-ǵa jýyq kósheni jaryqtandyrý josparlanǵan. Sońǵy jyldary mundaı júıeli sharanyń nátıjesinde qylmys sany 33% azaıǵan;

— jyldar boıy qaraýsyz qalǵan burynǵy Fosforshylar saraıy qala balansyna qaıtaryldy.

Ortalyqtaǵy «Spýtnık» gúlzary memleket menshigine ótip, demeýshiler esebinen qaıta abattandyryldy.

Qasym-Jomart Toqaev Ǵabıt Syzdyqbekovke qala ekonomıkasyn odan ári ártaraptandyrý, qosymsha ınvestıtsııa tartý, sondaı-aq shaǵyn jáne orta bıznesti qoldaý sharalaryn kúsheıtý jóninde naqty tapsyrmalar berdi.