Ǵabıt Sadyrbekov QR Bas prokýrorynyń orynbasary laýazymyna taǵaıyndaldy

<p>Memleket basshysynyń ókimimen Ǵabıt Amangeldiuly Sadyrbekov Qazaqstan Respýblıkasy Bas prokýrorynyń orynbasary bolyp taǵaıyndaldy, ol burynǵy atqarǵan laýazymynan bosatyldy, dep habarlaıdy Aqordanyń baspasóz qyzmeti.&nbsp;</p>

Sadyrbekov Ǵabıt Amangeldiuly 1978 jylǵy 3 maýsymda Aqmola oblysynda týylǵan.

Bilimi joǵary, 1999 jyly Abaı atyndaǵy Almaty memlekettik ýnıversıtetin támamdaǵan.

2001-2017 jyldary prokýratýra organdarynda, 2017-2020 jyldary bank salasyndaǵy qyzmet etken.

2020-2021 jyldary Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstriniń keńesshisi bolǵan.

2021 jylǵy 2 naýryzdan 2022 jylǵy 8 qańtarǵa deıin – Qazaqstan Respýblıkasynyń Qarjylyq monıtorıng agenttigi apparatynyń basshysy boldy.

2022 jylǵy 8 qańtardan qazirgi ýaqytqa deıin – Qazaqstan Respýblıkasynyń Qarjylyq monıtorıng agenttigi Tóraǵasynyń birinshi orynbasary laýazymynda boldy.

Aıta keteıik, Memleket basshysynyń ókimimen Ulan Saparuly Baıjanov Qazaqstan Respýblıkasy Bas Prokýrorynyń orynbasary laýazymynan bosatyldy.