Ǵabıdolla Ábdirahymov: Shymkentte jataqhana máselesi 2021 jyly tolyq sheshiletin bolady
«Ońtústik Qazaqstan medıtsına akademııasynyń óz qarjysy esebinen qoldanystaǵy oqý ǵımaratyn 450 oryndyq jataqhana etip, qaıta qurý jumystary júrgizilýde. Jataqhana osy jyldyń qyrkúıek aıynda paıdalanýǵa beriledi. Ekinshiden, ákimdik tarapynan Shymkent áleýmettik kásiptik korporatsııasy arqyly 5 myń oryndyq jataqhana salý josparlanyp otyr. Shymkent-sıtı aýdanynan 2 gektar jer bólinip, 2,5 myń oryndyq 12 qabatty 8 jataqhana salynatyn bolady. Sonymen qatar, qalǵan jataqhana ornynyń tapshylyǵyn joıý úshin Turan shaǵyn aýdanynan qosymsha 4 gektar jer bólindi. Qazirgi ýaqytta JSQ ázirlenip, jeke ınvestorlarmen kelissózder júrgizilýde. Jalpy, osy jyly 1 810 oryndyq birneshe jataqhana paıdalanýǵa beriledi. Qaladaǵy stýdent jastardy jataqhana máselesi 2021 jyly tolyq sheshiletin bolady», - dedi Ǵabıdolla Ábdirahymov Úkimet otyrysynda.
Eske sala ketsek, búgingi Úkimet otyrysynda Bilim jáne ǵylym mınıstri Kúlásh Shámshıdınova jataqhana qurylysy boıynsha jospardy oryndaý úshin Úkimetke birqatar shara usynǵan bolatyn. Qazirgi ýaqytta jataqhana qurylysy boıynsha jobalardy júzege asyrýda Jambyl oblysy men Nur-Sultan, Shymkent qalalary jaqsy nátıjege qol jetkizip otyr.