«Ǵabdolla Toqaı jáne Túrki álemi» atty halyqaralyq onlaın-konferentsııa ótti
Bul týraly QazAqparat «Egemen Qazaqstan» gazetine silteme jasap habarlaıdy.
Onlaın formatta ótken alqaly jıynǵa Halyqaralyq Túrki akademııasynyń prezıdenti Darhan Qydyráli, M. Áýezov atyndaǵy ádebıet jáne óner ınstıtýtynyń dırektory Kenjehan Matyjanov, Tatarstan Respýblıkasy Ǵylymdar akademııasynyń vıtse-prezıdenti Danııa Zagıdýllına, Nazarbaev ýnıversıteti Qazaq tili jáne túrkologııa kafedrasynyń meńgerýshisi ıÝlaı Shamıloǵly, Tatarstan Respýblıkasy Ǵylym akademııasy Ǵ. Ibraımov atyndaǵy Til, ádebıet jáne óner ınstıtýtynyń mátintaný bóliminiń meńgerýshisi Marsel Ibragımov, Tatarstan Respýblıkasynyń Qazaqstan Respýblıkasyndaǵy resmı ókili Denıs Valeev, Nur-Sultan qalasynyń «Tań» tatar-bashqurt mádenı ortalyǵynyń jetekshisi ıAnnat Nızamýtdınova, RǴA Ýfa ǵylymı ortalyǵy Tarıh, til jáne ádebıet ınstıtýtynyń qoljazbalar bóliminiń jetekshisi Ahat Salıhov, Egeı ýnıversıtetiniń prfessory Mustafa Óner, L.N. Gýmılev atyndaǵy EUÝ Túrkologııa kafedrasynyń professory Amantaı Shárip, sonymen qatar túrki elderiniń tanymal ǵalymdary men zııaly qaýym ókilderi qatysty.
Jıynnyń ashylýynda sóz sóılegen akademııa prezıdenti Darhan Qydyráli Ǵabdolla Toqaı shyǵarmashylyǵynyń túrki áleminde alatyn orny týraly baıandap, konferentsııa jumystaryna tabys tiledi.
«Ǵabdolla Toqaıdyń mereıtoıy baýyrlas Tatarstan jurtshylyǵy úshin ǵana emes, búkil túrki halyqtary úshin de aıtýly oqıǵa», dedi akademııa basshysy.
Konferentsııa barysynda ǵalymdar tatar klassıginiń eńbek joly men rýhanı murasyna toqtalyp, sondaı-aq shyǵarmashylyǵyndaǵy jalpy adamzattyq qundylyqtar mazmundy baıandamalar jasady.