Gaagada Erıtreıa kelimsekteri arasyndaǵy qaqtyǵysta 4 polıtseı jaraqat aldy

<p>ASTANA. KAZINFORM &ndash; Senbi kúni keshke Nıderlandnyń Gaaga qalasynda Erıtreıadan kelimsekteriniń qarsylas toptary arasynda qaqtyǵys bolyp, oǵan aralasqan tórt polıtseı jaraqat aldy.&nbsp;</p>

Erıtreıalyqtardyń úkimetti qoldaıtyn toby «Opera» konferents-ortalyǵynda kezdesý ótkizdi. Alaıda sherýge olardyń qarsylastary kelip, sodan keıin eleýli tártipsizdik bastaldy.
Bıliktiń baǵalaýynsha, Nıderlandta 27 myń erıtreıalyq turady.
Burynǵy saıasatker, qazir Nıderlandtaǵy Erıtreıa qaýymdastyǵynyń ókili retinde áreket etetin Maıra Kýmen Nıderland telearnasyna ǵımaratta 500-den 600-ge deıin adam bolǵanyn aıtty. Onyń sózinshe, kezdesýdiń saıası astary bolmaǵan, al qonaqtar qarsylastarymen betpe-bet kelý úshin kóshege shyqpaǵan.
Osy kezde sharaǵa «Nhamedý brıgadalary» dep atalatyn Erıtreıa rejımine qarsylastar toby keldi. Oppozıtsııa ókilderi úkimetshil otandastardyń mádenı jıyndary men keshterin buzý múmkindigin qarastyrýda.
Tártipsizdik oryn alǵan jerge jergilikti polıtsııa kelip, qatysýshylardy taratý úshin kózden jas aǵyzatyn gaz qoldanǵan.
Olaı bolǵanymen, polıtsııanyń birneshe kóligi órtendi. Polıtseılerge qaraı tas, velosıpedter men jol belgileri laqtyrylǵan.
Tórt ofıtser jaraqat aldy. Eki polıtsııa qyzmetkeri qoldarynan, bireýi tisterinen jaraqat aldy, al tórtinshisni abdyrap qalǵan kezde polıtsııa kóligi soǵylǵan.
Gaaga meri ıAn van Zanen kongress ortalyǵynyń aınalasyndaǵy aýmaqqa tótenshe jaǵdaı týraly buıryq shyǵardy.