G7 mınıstrleri: Qatysýshy taraptar Taıaý Shyǵystaǵy zorlyq-zombylyqty toqtatýy kerek

<p>ASTANA. KAZINFORM &ndash; &laquo;Úlken jetilik&raquo; elderiniń Syrtqy ister mınıstrleri Taıaý Shyǵystaǵy jaǵdaı týraly birlesken málimdeme jasady.</p>

«Biz, «Úlken jetilik» elderiniń Syrtqy ister mınıstrleri — Kanada, Frantsııa, Germanııa, Italııa, Japonııa, Ulybrıtanııa, AQSh — jáne EO-nyń Joǵarǵy ókili Taıaý Shyǵystaǵy shıelenistiń artýyna qatty alańdaýshylyq bildiremiz, bul aımaqtaǵy janjaldyń órshýine qaýip tóndiredi», - delingen Brıtan syrtqy ister mınıstrliginiń veb-saıtynda jarııalanǵan málimdemede. 

Foto: www.gov.uk

«Biz barlyq qatysýshy taraptardy qarymta zorlyq-zombylyqtyń qazirgi joıqyn tsıklin jalǵastyrýdan bas tartýǵa, shıelenisti azaıtýǵa jáne deeskalatsııa úshin syndarly jumys isteýge taǵy da shaqyramyz. Taıaý Shyǵystaǵy jaǵdaıdyń odan ári shıelenisýinen eshbir el nemese halyq paıda kórmeıdi», - dep atap ótti dıplomatııalyq vedomstvolardyń basshylary.

Aıta keteıik, sońǵy kúnderi Iran men Izraıl qoldaıtyn «Hezbolla» tobynyń soǵysý qaýpine baılanysty birqatar el óz azamattaryn Lıvannan dereý ketýge shaqyrǵan bolatyn.