G20 sammıtine qatysýshy memleketter Sırııa máselesi boıynsha eki «lagerge» bólindi

ASTANA. 6 qyrkúıek. QazAqparat - Keshe G20 sammıtine qatysýshy memleketter Sırııa máselesin keshki asta talqylady. Búginde olar halyqaralyq ınterventsııany qoldaný boıynsha eki «lagerge» bólinip otyr.

RF prezıdentiniń baspasóz hatshysy Dmıtrıı Peskov atap kórsetkendeı, keshki asta «G20» basshylarynyń Sırııa shıelenisin sheshý boıynsha ekige bólingeni barynsha baıqaldy. «Osy oraıda Sırııadaǵy áskerı operatsııany qoldaıtyndar jáne oǵan qarsy bolǵandardyń sany shamamen teń bolǵanyn atap ótkim keledi. Birqatar memleketter halyqaralyq sharttarǵa qaramastan, asyǵys áreketke barýǵa daıyn ekendikterin bildirse, buǵan qarsy bir top elder halyqaralyq quqyqty buzbaýǵa shaqyryp, áskerı kúshti qoldaný sheshimin tek Birikken Ulttar Uıymynyń Qaýipsizdik keńesi ǵana qabyldaı alatyndyǵyn taǵy bir márte eskertti», - dep atap kórsetti D.Peskov.