G20 sammıtine Elbasynyń qatysýy Qazaqstannyń abyroıyn arttyrady
«Taıaýda Qytaıda ótken G20 sammıtine álemniń alpaýyt memleketteriniń basshylary keldi jáne osy ataýly sharaǵa Prezıdent Nursultan Nazarbaevtyń qatysýy biz úshin mártebe dep bilemin. Bul birinshiden Qazaqstannyń abyroıy men Elbasynyń salıqaly saıasatyna qurmet. Ózderińiz bilesizder, Qazaqstan Prezıdenti úlken memleketterdiń basshylarymen kezdesip, kelissózder júrgizdi. Atap aıtqanda, bul óz kezeginde elimizdiń damýy jolyna jańa serpin beretini anyq. Osy oraıda G-20 sammıtine Qazaqstan Prezıdentiniń qatysýy óte qajet qadam, Elbasy onda ekijaqty jáne halyqaralyq qatynastardy, jahandyq máselelerdi talqylady. Jalpy, Qazaqstan bastamalaryna álem elderiniń kózqarasy óte jaqsy»,-dep toqtaldy Ábilǵazy Qusaıynov «QazAqparatqa» bergen suhbatynda.
Sonymen qatar, Kásipodaqtar Federatsııasynyń tóraǵasy Memleket basshysy G20 sammıti aıasyndaǵy brıfıngte ınvestıtsııalarǵa qatysty Qazaqstan baǵdarlamalasy óte durys ekenin atap ótkenin eske saldy.
«Qazaqstanda ótken jyldarda mańyzdy baǵdarlamalar iske qosylǵan. Bul rette jańa jumys oryndaryn ashýǵa basymdyq berilip otyr jáne osy baǵytta «Nurly jol» baǵdarlamasynyń orny erekshe. Sonymen qatar kadrlar daıarlaýda da mańyzdy qadamdar qamtylǵan. 2017 jyldan bastap «Jalpyǵa birdeı tegin kásibı-tehnıkalyq bilim berý» jańa jobasy eskerilip otyr. Sondyqtan osy oraıda atqarylyp jatqan sharalardyń arqasynda álemdik daǵdarysty eńserip, jumyssyzdyqtyń tómen deńgeıin saqtap turýǵa, sondaı-aq ekonomıkalyq ósimdi qamtamasyz etýge qaýqarly bolatynymyzǵa senimdimin»,-dep atap ótti Á. Qusaıynov
Esterińizge sala keteıik, aǵymdaǵy aıdyń basynda Nursultan Nazarbaev QHR Tóraǵasy Sı Tszınpınniń shaqyrýymen Qytaıǵa G20 sammıtine qatysý úshin saparmen bardy. Sammıttiń taqyryby - «Innovatsııalyq, saý, ózara baılanysty, ınklıýzıvti álemdik ekonomıka qalyptastyrý».