G20 elderi COVID-19-ben kúreske $21 mıllıardtan astam qarjy bólmek

NUR-SULTAN. QazAqparat – G20 elderi men shaqyrylǵan memleketter koronavırýs ınfektsııasy pandemııasymen kúreske $21mlrd-tan astam qarjy bólýge kelisti. Bul týraly QazAqparat rbc agenttigine silteme jasap habarlaıdy.

Qarjy dıagnostıka men koronavırýs ınfektsııasynyń emine, vaktsıanalar ázirleýge, sondaı-aq pandemııamen kúres aıasynda zertteýler men ázirlemelerge jumsalady.

Naýryz aıynda beınekonferentsııa formatynda ótken «Jıyrmalyqtyń» birinshi sammıtinde G20 elderi koronavırýspen kúreske qarjy bólýge kelisken bolatyn. Kezdesýde kóshbasshylar pandemııanyń álemdik ekonomıkaǵa tıgizetin keri áserine qarsy is-qımylǵa aýqymdy qarjylyq kómek kórsetýdi qoldaǵan. Olar birlestik elderiniń koronavırýstyń zardaptarymen kúresý úshin 5 trln AQSh dollaryn bólip jatqanyn habarlady.

Djons Hopkıns ýnıversıtetiniń málimetteri boıynsha álemde 6,731 mln adam adam koronavırýs juqtyrǵan. Rastalǵan jaǵdaılar sany boıynsha 1,89 mln-nan astam adam vırýs juqtyrǵan AQSh kósh bastap tur. Ekinshi orynda Brazılııa (614,9 myń), úshinshi orynda Reseı (449,2 myń) tur.