G-Global kelesi jyly Afrıkada jahandyq jobalardy iske qosady

NUR-SULTAN. QazAqparat – G-Global kelesi jyly Afrıkada jahandyq jobalardy iske asyrady. Bul týraly ortalyq kommýnıkatsııalar qyzmetinde ótkne brıfıngide Nelson Mandelanyń nemeresi, Tembıkele Mandela qorynyń bas dırektory Ndıleka Mandela málim etti, dep habarlaıdy QazAqparat tilshisi.

Sóz basynda Ndıleka Mandela G-Global-dyń Afrıkadaǵy ókildigin úsh aıdan beri basqaryp kele jatqanyn aıtyp ótti.

«G-Global kelesi jyly Afrıkada jahandyq jobalardy iske qosady. Bul biz úshin óte eleýli oqıǵa. Sebebi G-Global jobasy Afrıkadaǵy áıelder úshin jumys oryndaryn quryp,, múmkindikterin keńeıtý isinde mýltıplıkatsııalyq áser beredi. Bir adamǵa múmkindik jasaı otyryp, 10 adamǵa sharapat tıgizýge bolady. G-Global jobasynyń aıasynda qurylǵan 8 myń jumys orny keıin mıllıondaǵan jańa jumys ornynyń ashylýyna túrtki boldy», - dedi Ndıleka Mandela.

Qordyń bas dırektory áıelderdi qoldaý baǵytynda iske asatyn úsh jobaǵa toqtaldy.

«Birinshisi – kóshbasshylyqty damytýdyń birneshe baǵdarlamasy. Kóshbasshylyqty damytý erte jastan bastalýy kerek. Sondyqtan kóshbasshylyq tájirıbesin jastar arasynda keńinen taratý kerek. Ekinshi baǵyt – áıelderge arnalǵan kásipkerlik baǵdarlamalary. Qor qyzmetkerleri áıelderge bıznesti qalaı ashyp, damytý kerektigin úıretedi. Óıtkeni buǵan deıin Afrıkadaǵy áıelderdiń bıznespen aınalysýǵa múmkindigi bolyp kórmegen edi. Úshinshi baǵyt – bilim berý. Bul da qurlyqtaǵy áıelder úshin áli ózekti másele», - dedi Nelson Mandelanyń nemeresi.

Onyń aıtýynsha, ózi basqaratyn qor densaýlyq saqtaý salasyna kóp kóńil bóledi. Naqtyraq aıtsaq, aýyldyq eldi mekenderde medıtsınalyq qyzmetke qoljetimdilikti arttyrý úshin demeýshilerden medıtsınalyq jabdyqtardy satyp alýǵa qarajat jınaıdy.

«Meniń atam Nelson Mandela densaýlyq saqtaý jáne bilim berý sııaqty salalardyń mańyzy mańyzy zor den eseptegen. Qoǵamdy ózgertýdiń tikeleı joly – balalardyń bilim alýyna múmkindik jasaý. Biz balalarǵa, jastarǵa arnalǵan stıpendııalar men granttar izdeýge kúsh salamyz», – dedi Ndıleka Mandela.

G-Global kommýnıkatıvtik alańyn qurý týraly bastamany QR Tuńǵysh Prezıdenti-Elbasy Nursultan Nazarbaev Qazaqstan Táýelsizdiginiń 20 jyldyǵyna arnalǵan saltanatty otyrysta jarııalaǵan bolatyn. Qazirgi ýaqytta G-Global kommýnıkatıvtik alańy jahandyq máselelerdi talqylaıtyn ınternet-platformaǵa aınalyp otyr.