«G-Global» alańynda Astana ekonomıkalyq forýmyna arnalǵan vırtýaldy joba iske qosylady
Atalǵan joba aıasynda aldaǵy Astana ekonomıkalyq forýmy jáne Dúnıejúzilik daǵdarysqa qarsy konferentsııada qaralatyn taqyryptar men baǵdarlamalar onlaın rejımde álemdik deńgeıdegi ǵalymdar men praktıkterdiń vırtýaldy talqysyna túsedi. Atap aıtqanda, «G-Global» alańyndaǵy vırtýaldy dıalogqa zamanymyzdyń tanymal ǵalymdary, onyń ishinde Nobel syılyqtarynyń laýreattary, bıznes-qaýymdastyq ókilderi men memleket qaıratkerleri qatysatyn bolady.
Atalǵan ınternet-jobany iske qosý álemdik jáne ulttyq ekonomıkalardyń damý perspektıvalaryna qyzyǵýshylyq tanytatyn ǵylymı-ıntellektýaldyq, saraptamalyq, kásibı jáne basqa da aýdıtorııalar aýqymyn keńeıtý maqsatynda júzege asady dep josparlanǵan. Internet-joba ǵalamshardyń barynsha keń aýqymyn qamtı otyryp, halyqtyń túrli jigi úshin barlyq derlik memleketter ókilderiniń pikirin estýge múmkindik týǵyzbaq. Bul formattyń jáne bir ereksheligi VI Astana ekonomıkalyq forýmy jáne Dúnıejúzilik daǵdarysqa qarsy konferentsııasyna qatysatyn barlyq sarapshylar aldyn ala onlaın rejımde aldaǵy máselelerdi talqylaýǵa múmkindik alyp, forýmnyń qabyldaıtyn qorytyndy usynystaryna ázirlikti erterek bastaýdy qamtamasyz etpek. Bul rette www.group-global.org saıtyna maqalalar, baıandamalar júktep, ornalastyrýǵa bolady, talqylaýlarǵa qatynasyp, kommentarııler qaldyrýǵa, beıne-koferentsııalarǵa atsalysýǵa, saýaldar qoıýǵa múmkindikter qarastyrylady.